Функционалды диагностика

Спирометрия

Спирометрия (спирография, сыртқы тыныс алу функциясы) - өкпенің функционалдық жағдайын бағалау үшін пульмонология мен терапиядағы негізгі диагностикалық әдістердің бірі болып табылады.

Бұл әдіс өкпенің көлемін, бір секундта дем шығару көлемін және дем шығару жылдамдығын өлшеуге мүмкіндік береді.

Зерттеуден кейін дәрігер, өкпенің ауаны толтыру қабілетін және бронхтардың демді алу және дем шығару кезінде ауаны өткізу қабілетін аурудың қаншалықты өзгерткенін бағалайды.

Сонымен қатар, дәрігер бронхтың белсенділігін, яғни пациенттің бронхоспазмға бейімділігін бағалай алады.

Спирометрия өткізу үшін көрсеткіштер:

• Созылмалы немесе ұзаққа созылған жөтелді зерттеу
• Ентікпенің себептерін бағалау
• Сыртқы тыныс алу функциясының обструктивті және шектеуші бұзылыстарының диагностикасы және дифференциалды диагностикасы
• Демікпе мен ӨСОА арасындағы дифференциалды диагностика
• Обстструктивті және шектеулі патологиясы бар науқастардың, соның ішінде демікпе, ӨСОА, муковисцидоз, эмфизема, жүрек жеткіліксіздігі, өкпе фиброзы, сколиоз, семіздік-гиповентиляциялық синдром, жүйке-бұлшықет аурулары бар науқастардың ауырлық дәрежесін бағалау
• Астма, ӨСОА және муковисцидоза кезіндегі терапияның тиімділігін бағалау

Индуцирленген қақырық тесті

Индуцирленген қақырық тесті - бұл натрий хлориді (тұзды) ерітіндісімен бірнеше ингаляция жасау арқылы алынған қақырық зерттеуі.

Тест бронх реактивтілігін, қақырықтың сандық және сапалық жасушалық құрамын анықтауға, тыныс алу жолдарының қабыну сипатын бағалауға мүмкіндік береді.

Зерттеу не үшін қолданылады?

• Өкпе мен тыныс жолдарындағы патологиялық үдерісті диагностикалау үшін
• Тыныс алу мүшелеріндегі патологиялық үдерістің сипатын бағалау үшін
• Тыныс алу мүшелерінің созылмалы аурулары бар науқастардың тыныс алу жолдарының жағдайын динамикалық бақылау үшін
• Жасалған  терапияның тиімділігін бағалау үшін

Зерттеу қашан тағайындалады?

• Өкпе және бронх аурулары кезінде (бронхит, пневмония, бронх демікпесі, созылмалы обструктивті өкпе ауруы, туберкулез, бронхоэктикалық ауру, тыныс алу жүйесінің өскіндері, өкпенің саңырауқұлақ немесе құрт инвазиясы, өкпенің интерстициальды аурулары)
• жөтел қақырықпен болса
• Аускультация немесе рентгендік зерттеуге сәйкес кеудеде анықталған немесе анық емес үдеріс болған кезде

Компьютерлі пульсоксиметрия мониторингі

Пульсоксиметрия - (гидроксиметрия, гемоксиметрия) - бұл қанның оттегімен қанығу дәрежесін анықтайтын инвазивті емес әдіс. Бұл әдіс қандағы гемоглобин мөлшерін бағалаудың спектрофотометриялық әдісіне негізделген.

Бұл зерттеу мынадай мүмкіндік береді:

нақты уақытта тыныс алу және жүрек-қантамыр жүйесінің функционалды күйінің маңызды көрсеткіштерін бақылау

Көрсеткіштері:

кешенді пульмонологиялық тексеру

Шығарылған демдегі азот оксиді сынағы

Біздің клиникада дем шығарған ауада азот оксидінің (NO) деңгейін бағалау үшін, медициналық газ анализаторы қолданылады.

Науқасқа белгілі уақыт ішінде түтікке дем алу ұсынылады, содан кейін дәрігер көрсеткіштерді бағалайды және өкпе патологиясының болуы мен ауырлық дәрежесі туралы қорытынды жасайды.

Азот оксиді - бұл тыныс жолдары қабынуының маркері, ал оны өлшеу, бронх демікпесін және басқа бронхопульмоналды ауруларды диагностикалау үшін пайдалы құрал болып табылады.

Бұл әдіс емдеу сұлбасының тиімділігін бақылау үшін ұсынылады, бұл дәрі-дәрмектің белгіленген дозасын жеке-жеке реттеуге мүмкіндік береді.

Пульмонолог дәрігерінің кабинетін жабдықтау үшін, азот оксидін өлшейтін аспаптың болуы міндетті болып табылады.

Бұл қауіпсіз, тез, дәл және қалпына келтіретін, нәтиже беретін зерттеу әдісі, ересектер мен балаларға жарамды.